mtu anaingiza Sh7 milioni kwa dakika, atakuwa na utajiri kiasi gani.
Siku moja baada ya Rais John Magufuli kueleza juu ya hujuma ya uchumi inayofanywa na mtu anayeingiza Sh7 milioni kila dakika, Taasisi ya Kuzuia na Kupambana na Rushwa (Takukuru) imemtaja Mohammed Mustapha Yusufali kuwa nyuma ya tuhuma hizo.
Juzi, Rais Magufuli alieleza kuwa kuna mtu ambaye ana kampuni inayotoa Mashine za Kielektroniki za Hesabu za Fedha (EFD), nje ya mfumo wa Mamlaka ya Mapato Tanzania (TRA) na kuzisambaza kwa wafanyabiashara na kutokana na mtandao wake hujiingizia Sh7 milioni kila dakika.
Alieleza kuwa mtandao wake unashirikisha watumishi wa TRA na Wakala wa Usajili wa Kampuni (Brela) na kuisababishia Serikali yake hasara ya mabilioni.
Jana, Mkurugenzi Mkuu wa Takukuru, Kamishna Valentino Mlowola akiwa na Kamishna Mkuu wa TRA, Alphayo Kidata alisema uchunguzi wa awali umebaini kuwapo kwa kampuni nne ambazo zimekwepa kodi ya Sh30 bilioni na kuzipa hadi Julai 5, ziwe zimelipa fedha hizo kabla hajazifikisha mahakamani kwa hatua zaidi za kisheria
Machapisho
